البیان: البقرہ ۲: ۱۱۴- ۱۲۱ (۲۲)

بسم اللہ الرحمٰن الرحیم

(گذشتہ سے پیوستہ)

وَمَنْ اَظْلَمُ مِمَّنْ مَّنَعَ مَسٰجِدَ اللّٰهِ اَنْ يُّذْكَرَ فِيْهَا اسْمُهٗ وَسَعٰي فِيْ خَرَابِهَا اُولٰٓئِكَ مَا كَانَ لَهُمْ اَنْ يَّدْخُلُوْهَا٘ اِلَّا خَآئِفِيْنَ لَهُمْ فِي الدُّنْيَا خِزْيٌ وَّلَهُمْ فِي الْاٰخِرَةِ عَذَابٌ عَظِيْمٌ ١١٤ وَلِلّٰهِ الْمَشْرِقُ وَالْمَغْرِبُ فَاَيْنَمَا تُوَلُّوْا فَثَمَّ وَجْهُ اللّٰهِ اِنَّ اللّٰهَ وَاسِعٌ عَلِيْمٌ ١١٥

(اپنے اِنھی اختلافات کے باعث یہ ایک دوسرے کی عبادت گاہوں کو ویران کرتے رہے ہیں)^[278]۔ اور اُس شخص سے بڑھ کر ظالم کون ہے جو اللہ کے معبدوں میں اِس بات سے منع کرے کہ وہاں اُس کا نام لیا جائے اور اُن کی ویرانی کے درپے ہو۔  اِن کے لیے اِس کے سوا کچھ زیبا نہ تھا کہ ان (معبدوں) میں جائیں تو اللہ سے ڈرتے ہوئے جائیں^[279]،(لیکن اِنھوں نے سرکشی دکھائی تو اب) اِن کے لیے دنیا میں ذلت ہے اور قیامت میں بھی ایک بڑا عذاب اِن کا منتظر ہے۔ (یہ اِس لیے ہوا کہ اِن میں سے کسی نے مشرق کو قبلہ ٹھیرایا اور کسی نے مغرب^[280] کو،  اور حق یہ ہے کہ) مشرق و مغرب ، سب اللہ ہی کے لیے ہیں ۔ لہٰذا جدھر رخ کرو گے،  اللہ کا رخ بھی اُدھر ہی ہے۔  اس میں شبہ نہیں کہ اللہ بڑی گنجایش والا ہے،  وہ ہر چیز کو جانتا ہے^[281]۔ ۱۱۴ -  ۱۱۵

وَقَالُوا اتَّخَذَ اللّٰهُ وَلَدًا سُبْحٰنَهٗ بَلْ لَّهٗ مَا فِي السَّمٰوٰتِ وَالْاَرْضِ كُلٌّ لَّهٗ قٰنِتُوْنَ ١١٦ بَدِيْعُ السَّمٰوٰتِ وَالْاَرْضِ وَاِذَا قَضٰ٘ي اَمْرًا فَاِنَّمَا يَقُوْلُ لَهٗ كُنْ فَيَكُوْنُ ١١٧

(پھر یہی نہیں ، نجات اور ہدایت کے یہ مدعی ایمان و عقیدہ کے لحاظ سے بھی اس قدر پستی میں گر چکے ہیں کہ) اِنھوں نے کہا ہے کہ اللہ کی اولاد ہے۔  لاریب ، وہ پاک ہے اِن باتوں سے،  بلکہ آسمانوں اور زمین میں جو کچھ ہے ، اسی کا ہے۔  سب اُس کا حکم مانتے ہیں۔  آسمانوں اور زمین کو وہی عدم سے وجود میں لانے والا ہے اور جب کسی بات کا فیصلہ کر لیتا ہے تو اُس کے لیے اتنا ہی کہتا ہے کہ ہو جا تو وہ ہو جاتی ہے^[282]۔۱۱۶ - ۱۱۷

وَقَالَ الَّذِيْنَ لَا يَعْلَمُوْنَ لَوْلَا يُكَلِّمُنَا اللّٰهُ اَوْ تَاْتِيْنَا٘ اٰيَةٌ كَذٰلِكَ قَالَ الَّذِيْنَ مِنْ قَبْلِهِمْ مِّثْلَ قَوْلِهِمْﵧ تَشَابَهَتْ قُلُوْبُهُمْ قَدْ بَيَّنَّا الْاٰيٰتِ لِقَوْمٍ يُّوْقِنُوْنَ١١٨ اِنَّا٘ اَرْسَلْنٰكَ بِالْحَقِّ بَشِيْرًا وَّنَذِيْرًا وَّلَا تُسْـَٔلُ عَنْ اَصْحٰبِ الْجَحِيْمِ ١١٩

اور (اِسی طرح کی بات) اُن لوگوں نے کہی جو (وحی اور کتاب کا) علم نہیں رکھتے ^[283] کہ اللہ ہم سے براہِ راست کیوں ہم کلام نہیں ہوتا^[284]  یا ہمارے پاس کوئی واضح نشانی کیوں نہیں آتی^[285] ؟بالکل اِسی طرح جو اِن سے پہلے گزرے ہیں ، اُنھوں نے بھی ایسی ہی بات کہی۔  اِن سب کے دل ایک سے ہیں^[286]۔ ہم نے اپنی نشانیاں اِن لوگوں کے لیے ہر لحاظ سے واضح کر دی ہیں جو یقین کرنا چاہیں^[287]، (لہٰذا تمھاری کوئی ذمہ داری نہیں کہ اِن کی خواہش کے مطابق اِنھیں نشانیاں اور معجزے دکھاؤ)۔  ہم نے    تمھیں حق کے ساتھ بھیجا ہے، (اے پیغمبر )، انذار و بشارت کے لیے۔  تم سے اِن دوزخ والوں^[288]کے بارے میں ہرگز کوئی پرسش نہ ہو گی۔۱۱۸ - ۱۱۹

وَلَنْ تَرْضٰي عَنْكَ الْيَهُوْدُ وَلَا النَّصٰرٰي حَتّٰي تَتَّبِعَ مِلَّتَهُمْ قُلْ اِنَّ هُدَي اللّٰهِ هُوَ الْهُدٰي وَلَئِنِ اتَّبَعْتَ اَهْوَآءَهُمْ بَعْدَ الَّذِيْ جَآءَكَ مِنَ الْعِلْمِ مَا لَكَ مِنَ اللّٰهِ مِنْ وَّلِيٍّ وَّلَا نَصِيْرٍ ١٢٠

(یہ مشرکین ہی نہیں،  تمھارے مخاطبین میں سے) یہود و نصاریٰ بھی تم سے ہر گز راضی نہ ہوں گے جب تک ان کا مذہب اختیار نہ کر لو ۔ (لہٰذا) کہہ دو کہ اللہ کی ہدایت ہی اصل ہدایت ہے،  اور اگر تم اُس علم کے بعد جو تمھارے پاس آ چکا ہے،  اِن کی خواہشوں^[289] پر  چلے  تو  اللہ کے  مقابلے میں تمھارا  کوئی دوست اور  کوئی مدد گار  نہ  ہو  گا^[290]۔۱۲۰

اَلَّذِيْنَ اٰتَيْنٰهُمُ الْكِتٰبَ يَتْلُوْنَهٗ حَقَّ تِلَاوَتِهٖ اُولٰٓئِكَ يُؤْمِنُوْنَ بِهٖ وَمَنْ يَّكْفُرْ بِهٖ فَاُولٰٓئِكَ هُمُ الْخٰسِرُوْنَ ١٢١

  (اِس کے برخلاف) وہ لوگ جنھیں ہم نے کتاب عطا فرمائی^[291] اور وہ اُس کی تلاوت کا حق ادا کرتے رہے،  وہی اس (قرآن) پر ایمان لائیں گے^[292]اور جو (اِس نصیحت کے بعد بھی) اپنے انکار پر جمے رہے تو وہی اصل میں نقصان اٹھانے والے ہیں۔  ۱۲۱