ندیم (نظم)

خیال و خامہ

         ندیم

خوشا یہ وقت کہ پھولوں نے پیرہن بدلا

چمن میں ماہ سے اتری ہے رات کی مہماں

مری نگاہ کتابوں کے ڈھیر سے اٹھی

کہ اِس ہجومِ خموشاں میں کچھ نہیں پنہاں

ــــــــــــ

مریے ندیم ، کئی بار آخر شب میں

مرے چراغ کی لو میں بنی تری تصویر

کنارِ آب چناروں میں ڈوب کر ابھری

خیالِ خواب میں خوابِ خیال کی تعبیر

ــــــــــــ

ندیمِ شوق، اِدھر نہُ برس سے شام و سحر

رہِ حیات میں کانٹوں کی جستجو میں ہوں

تو اِس سفر کے منازل سےبے خبر تو نہیں

ترے سوا میں زمانے میں کس سے عرض کروں

ــــــــــــ

یہ دور اہل محبت کو سازگار نہیں

ترا  خیال بھی اب تو وفا شعار نہیں

___________