البیان: آل عمران ۳: ۱۱۸-۱۲۹ (۲۱)

بسم اللہ الرحمٰن الرحیم 

(گزشتہ سے پیوستہ)  

یٰٓاَیُّہَا الَّذِیْنَ اٰمَنُوْا، لاَ تَتَّخِذُوْا بِطَانَۃً مِّنْ دُوْنِکُمْ، لاَ یَاْلُوْنَکُمْ خَبَالاً، وَدُّوْا مَا عَنِتُّمْ، قَدْ بَدَتِ الْبَغْضَآئُ مِنْ اَفْوَاہِہِمْ، وَمَا تُخْفِیْ صُدُوْرُہُمْ اَکْبَرُ، قَدْ بَیَّنَّا لَکُمُ الْاٰیٰتِ اِنْ کُنْتُمْ تَعْقِلُوْنَ{۱۱۸} ہٰٓاَنْتُمْ اُولَآئِ تُحِبُّوْنَہُمْ، وَلاَ یُحِبُّوْنَکُمْ، وَتُؤْمِنُوْنَ بِالْکِتٰبِ کُلِّہٖ، وَاِذَا لَقُوْکُمْ قَالُوْآ اٰمَنَّا، وَاِذَا خَلَوْا عَضُّوْا عَلَیْکُمُ الْاَنَامِلَ مِنَ الْغَیْظِ، قُلْ: مُوْتُوْا بِغَیْظِکُمْ، اِنَّ اللّٰہَ عَلِیْمٌ بِذَاتِ الصُّدُوْرِ {۱۱۹}  اِنْ تَمْسَسْکُمْ حَسَنَۃٌ تَسُؤْہُمْ، وَاِنْ تُصِبْکُمْ سَیِّئَۃٌ یَّفْرَحُوْا بِہَا، وَاِنْ تَصْبِرُوْا وَتَتَّقُوْا لاَ یَضُرُّکُمْ کَیْدُہُمْ شَیْئًا، اِنَّ اللّٰہَ بِمَا یَعْمَلُوْنَ مُحِیْطٌ{۱۲۰}

وَاِذْ غَدَوْتَ مِنْ اَہْلِکَ تُبَوِّیُٔ الْمُؤْمِنِیْنَ مَقَاعِدَ لِلْقِتَالِ، وَاللّٰہُ سَمِیْعٌ عَلِیْمٌ{۱۲۱}

اِذْ ہَمَّتْ طَّآئِفَتٰنِ مِنْکُمْ اَنْ تَفْشَلاَ، وَاللّٰہُ وَلِیُّہُمَا، وَعَلَی اللّٰہِ فَلْیَتَوَکَّلِ الْمُؤْمِنُوْنَ{۱۲۲} وَلَقَدْ نَصَرَکُمُ اللّٰہُ بِبَدْرٍ وَّاَنْتُمْ اَذِلَّۃٌ، فَاتَّقُوا اللّٰہَ لَعَلَّکُمْ تَشْکُرُوْنَ{۱۲۳}

اِذْ تَقُوْلُ لِلْمُؤْمِنِیْنَ: اَلَنْ یَّکْفِیَکُمْ اَنْ یُّمِدَّکُمْ رَبُّکُمْ بِثَلٰثَۃِ اٰلٰفٍ مِّنَ الْمَلٰٓئِکَۃِ مُنْزَلِیْنَ{۱۲۴} بَلٰٓی، اِنْ تَصْبِرُوْا وَتَتَّقُوْا وَیَاْتُوْکُمْ مِّنْ فَوْرِہِمْ ہٰـذَا، یُمْدِدْکُمْ رَبُّکُمْ بِخَمْسَۃِ اٰلٰفٍ مِّنَ الْمَلٰٓئِکَۃِ مُسَوِّمِیْنَ{۱۲۵}

وَمَا جَعَلَہُ اللّٰہُ اِلاَّ بُشْرٰی لَکُمْ، وَلِتَطْمَئِنَّ قُلُوْبُکُمْ بِہٖ، وَمَا النَّصْرُ اِلاَّ مِنْ عِنْدِ اللّٰہِ الْعَزِیْزِ الْحَکِیْمِ {۱۲۶} لِیَقْطَعَ طَرَفًا مِّنَ الَّذِیْنَ کَفَرُوْٓا، اَوْ یَکْبِتَہُمْ فَیَنْقَلِبُوْا خَآئِبِیْنَ {۱۲۷} لَیْسَ لَکَ مِنَ الْاَمْرِ شَیْء ٌ، اَوْ یَتُوْبَ عَلَیْہِمْ، اَوْ یُعَذِّبَہُمْ، فَاِنَّہُمْ ظٰلِمُوْنَ {۱۲۸} وَلِلّٰہِ مَا فِی السَّمٰوٰتِ وَمَا فِی الْاَرْضِ، یَغْفِرُ لِمَنْ یَّشَآئُ وَیُعَذِّبُ مَنْ یَّشَآئُ، وَاللّٰہُ غَفُوْرٌ رَّحِیْمٌ{۱۲۹}

ایمان ۱۸۹ والو، (یہ تمھارے دوست نہیں ہیں، اِس لیے) اپنے سے باہر کے لوگوں کو بھیدی نہ بناؤ۔ ۱۹۰ تمھیں نقصان پہنچانے میں یہ کوئی کسر اٹھا نہ رکھیں گے۔ یہ تمھارے لیے زحمتوں کے خواہاں ہیں۔ اِن کی دشمنی اِن کے منہ سے نکلی پڑتی ہے اور جو کچھ اِن کے سینوں میں چھپا ہوا ہے، وہ اِ س سے بھی سخت تر ہے۔ ہم نے یہ نشانیاں تمھارے لیے واضح کر دی ہیں، اگر تم عقل رکھتے ہو۔ یہ تمھی ہو کہ اِن کو دوست رکھنا چاہتے ہو، مگر وہ تم سے دوستی نہیں رکھتے، دراں حالیکہ تم اللہ کی تمام کتابوں کو مانتے ہو۔۱۹۱ اور (اِن کا طریقہ یہ ہے کہ ) جب تم سے ملتے ہیں تو کہتے ہیں کہ ہم تو ایمان لائے ہوئے ہیں ۱۹۲ اور جب الگ ہوتے ہیں تو غصے سے تم پر انگلیاں کاٹتے ہیں ـــــکہہ دو کہ اپنے اِسی غصے میں مر جاؤ۔ (اللہ تمھاری ہر چیز سے واقف ہے اور) اللہ تو سینوں کے راز تک جانتا ہے ـــــتمھیں کوئی کامیابی حاصل ہوتی ہے تو اِنھیں تکلیف پہنچتی ہے اورتم پر کوئی مصیبت آتی ہے تو اِس سے خوش ہوتے ہیں۔ (یہ تمھارے دوست نہیں ہیں، اِن کی پروا نہ کرو) اور (یاد رکھو کہ) اگر تم صبر کرو گے اور اللہ سے ڈرتے رہو گے تو اِن کی کوئی تدبیر تمھیں نقصان نہ پہنچا سکے گی، اِس لیے کہ جو کچھ یہ کر رہے ہیں، اللہ اُس کو گھیرے میں لیے ہوئے ہے۔ ۱۱۸۔۱۲۰

(یہ حقیقت اِنھیں سمجھاؤ ، اے پیغمبر) اور (اِس کے لیے وہ موقع یاد دلاؤ) جب (احد کے دن) تم مسلمانوں کو جنگ کے مورچوں ۱۹۳ پر کھڑا کرنے کے لیے اپنے گھر سے نکلے تھے۔ (اُس وقت اللہ تمھارے ارادوں سے واقف تھا اور تمھاری باتیں سن رہا تھا) اور اللہ سمیع وعلیم ہے۔۱۲۱

اُس وقت، جب تم میں سے دو گروہوں ۱۹۴ نے حوصلہ چھوڑنا چاہا، دراں حالیکہ اللہ اُن کی مدد کے لیے موجود تھااور ایمان والوں کو تو اللہ ہی پر بھروسا کرنا چاہیے۔ اللہ نے(اِس سے پہلے) بدر میں بھی تمھاری مدد کی تھی۔ جب کہ تم نہایت کمزور تھے۔ (پھر بھی ناشکری کرتے ہو)؟ سو اللہ سے ڈرو تاکہ تم اُس کے شکر گزار ہو۔ ۱۲۲۔۱۲۳

یاد کرو، جب تم مسلمانوں سے کہہ رہے تھے کہ کیا تمھارے لیے کافی نہیں ہے کہ تمھارا پروردگار تین ہزار فرشتوں سے تمھاری مدد کرے جو (اِسی مقصد سے) اتارے گئے ہوں؟ ۱۹۵  ہاں کیوں نہیں، اگر تم صبر کرو اور خدا سے ڈرتے رہو اور تمھارے دشمن اِسی وقت تم پر آپڑیں تو تمھارا پروردگار پانچ ہزار فرشتوں سے تمھاری مدد کرے گا جو خاص نشان لگائے ہوئے ہوں گے۔ ۱۹۶ ۱۲۴۔۱۲۵

اور یہ تو اللہ نے صرف اِس لیے کیا کہ تمھیں بشارت ہو اور تمھارے دل اِس سے مطمئن ہو جائیں اور مدد تو اللہ ہی کی طرف سے آتی ہے جو زبردست ہے، بڑی حکمت والا ہے۔ ۱۹۷ (اِس لیے کیا) تاکہ اِن منکروں کا ایک حصہ کاٹ دے یا اُنھیں ایسا ذلیل کرے کہ خوار ہو کر لوٹیں  ـــــ تمھیںاِس معاملے میں کوئی اختیار نہیں ۱۹۸ (کہ اللہ اِن کے ساتھ یہی کرے) یا اِن کی توبہ قبول کر لے، (اگر یہ توبہ کریں) یا اِن پر اپنا عذاب نازل کر دے، اِس لیے کہ یہ ظالم ہیں۔ (یہ اللہ ہی کا اختیار ہے) اور زمین وآسمان میں جو کچھ ہے، وہ اللہ ہی کا ہے۔ وہ (اپنے قانون کے مطابق) جس کو چاہے گا، بخش دے گا اور جس کو چاہے گا، سزادے گا۔ اور (حقیقت یہ ہے کہ) اللہ بخشنے والا ہے، اُس کی شفقت ابدی ہے۔ ۱۲۶۔۱۲۹