غزل

خیال وخامہ

o

پھر وہی شوق دلبری ، کچھ تو ملے فراغ ابھی

آتش غم سے داغ کر بیٹھے ہیں داغ داغ ابھی

شیخ کے اختیار میں ابر بھی ہے ، ہوا بھی ہے

آئے ، اگر بجھا سکے ، ہاتھ میں ہے چراغ ابھی

آپ کے ہیں تو پھر یہ کیوں زرد پڑے ہیں سرنگوں

ابر کرم کے منتظر آپ کے باغ و راغ ابھی

اپنے وجود کی فغاں فلسفہ ہاے شرق و غرب

پھر بھی اسیر زلف ہیں تیرے دل و دماغ ابھی

اِس سے ہوئی ہے ساقیا ، گردش رنگ مے کدہ

تیری نگاہ التفات بھرتی رہے ایاغ ابھی

____________