البیان: التوبہ ۹: ۶۱- ۷۲ (۵)

بسم اللہ الرحمٰن الرحیم 

(گذشتہ سے پیوستہ)  

وَمِنْھُمُ الَّذِیْنَ یُؤْذُوْنَ النَّبِیَّ وَیَقُوْلُوْنَ ھُوَ اُذُنٌ قُلْ اُذُنُ خَیْرٍلَّکُمْ یُؤْمِنُ بِاللّٰہِ وَیُؤْمِنُ لِلْمُؤْمِنِیْنَ وَرَحْمَۃٌ لِّلَّذِیْنَ اٰمَنُوْا مِنْکُمْ وَالَّذِیْنَ یُؤْذُوْنَ رَسُوْلَ اللّٰہِ لَھُمْ عَذَابٌ اَلِیْمٌ{۶۱} یَحْلِفُوْنَ بِاللّٰہِ لَکُمْ لِیُرْضُوْکُمْ وَاللّٰہُ وَرَسُوْلُہٗٓ اَحَقُّ اَنْ یُّرْضُوْہُ اِنْ کَانُوْا مُؤْمِنِیْنَ{۶۲} اَلَمْ یَعْلَمُوْٓا اَنَّہٗ مَنْ یُّحَادِدِاللّٰہَ وَرَسُوْلَہٗ فَاَنَّ لَہٗ نَارَ جَھَنَّمَ خَالِدًا فِیْھَا ذٰلِکَ الْخِزْیُ الْعَظِیْمُ{۶۳}

یَحْذَرُ الْمُنٰفِقُوْنَ اَنْ تُنَزَّلَ عَلَیْھِمْ سُوْرَۃٌ تُنَبِّئُھُمْ بِمَا فِیْ قُلُوْبِھِمْ قُلِ اسْتَھْزِئُ وْا اِنَّ اللّٰہَ مُخْرِجٌ مَّا تَحْذَرُوْنَ{۶۴} وَلَئِنْ سَاَلْتَھُمْ لَیَقُوْلُنَّ اِنَّمَا کُنَّا نَخُوْضُ وَنَلْعَبُ قُلْ اَبِاللّٰہِ وَاٰیٰتِہٖ وَرَسُوْلِہٖ کُنْتُمْ تَستَھْزِئُ وْنَ{۶۵} لَا تَعْتَذِرُوْا قَدْ کَفَرْتُمْ بَعْدَ اِیْمَانِکُمْ اِنْ نَّعْفُ عَنْ طَآئِفَۃٍ مِّنْکُمْ نُعَذِّبْ طَآئِفَۃًم بِاَنَّھُمْ کَانُوْا مُجْرِمِیْنَ{۶۶} 

اَلْمُنٰفِقُوْنَ وَالْمُنٰفِقٰتُ بَعْضُھُمْ مِّنْم بَعْضٍ یَاْمُرُوْنَ بِالْمُنْکَرِ وَیَنْھَوْنَ عَنِ الْمَعْرُوْفِ وَیَقْبِضُوْنَ اَیْدِیَھُمْ نَسُوا اللّٰہَ فَنَسِیَھُمْ اِنَّ الْمُنٰفِقِیْنَ ھُمُ الْفٰسِقُوْنَ{۶۷} وَعَدَاللّٰہُ الْمُنٰفِقِیْنَ وَالْمُنٰفِقٰتِ وَالْکُفَّارَنَارَجَھَنَّمَ خٰلِدِیْنَ فِیْھَا ھِیَ حَسْبُھُمْ وَلَعَنَھُمُ اللّٰہُ وَلَھُمْ عَذَابٌ مُّقِیْمٌ{۶۸} کَالَّذِیْنَ مِنْ قَبْلِکُمْ کَانُوْٓا اَشَدَّ مِنْکُمْ قُوَّۃً وَّاَکْثَرَ اَمْوَالًا وَّاَوْلَادًا فَاسْتَمْتَعُوْا بِخَلَاقِھِمْ فَاسْتَمْتَعْتُمْ بِخَلَاقِکُمْ کَمَا اسْتَمْتَعَ الَّذِیْنَ مِنْ قَبْلِکُمْ بِخَلَاقِھِمْ وَخُضْتُمْ کَالَّذِیْ خَاضُوْا اُولٰٓئِکَ حَبِطَتْ اَعْمَالُھُمْ فِی الدُّنْیَا وَالْاٰخِرَۃِ وَاُولٰٓئِکَ ھُمُ الْخٰسِرُوْنَ{۶۹} اَلَمْ یَاْتِھِمْ نَبَاُالَّذِیْنَ مِنْ قَبْلِھِمْ قَوْمِ نُوْحٍ وَّ عَادٍ وَّثَمُوْدَ وَقَوْمِ اِبْرٰھِیْمَ وَاَصْحٰبِ مَدْیَنَ وَالْمُؤْتَفِکٰتِ اَتَتْھُمْ رُسُلُھُمْ بِالْبَیِّنٰتِ فَمَا کَانَ اللّٰہُ لِیَظْلِمَھُمْ وَلٰکِنْ کَانُوْٓا اَنْفُسَھُمْ یَظْلِمُوْنَ{۷۰}

 وَالْمُؤْمِنُوْنَ وَالْمُؤْمِنٰتُ بَعْضُھُمْ اَوْلِیَآئُ بَعْضٍ یَاْمُرُوْنَ بِالْمَعْرُوْفِ وَیَنْھَوْنَ عَنِ الْمُنْکَرِ وَ یُقِیْمُوْنَ الصَّلٰوۃَ وَیُؤْتُوْنَ الزَّکٰوۃَ وَیُطِیْعُوْنَ اللّٰہَ وَرَسُوْلَہٗ اُولٰٓئِکَ سَیَرْحَمُھُمُ اللّٰہُ اِنَّ اللّٰہَ عَزِیْزٌ حَکِیْمٌ{۷۱} وَعَدَاللّٰہُ الْمُؤْمِنِیْنَ وَالْمُؤْمِنٰتِ جَنّٰتٍ تَجْرِیْ مِنْ تَحْتِھَا الْاَنْھٰرُ خٰلِدِیْنَ فِیْھَا وَمَسٰکِنَ طَیِّبَۃً فِیْ جَنّٰتِ عَدْنٍ وَرِضْوَانٌ مِّنَ اللّٰہِ اَکْبَرُ ذٰلِکَ ھُوَ الْفَوْزُ الْعَظِیْمُ{۷۲}

اِنھی میں وہ لوگ بھی ہیں جو (اپنی باتوں سے) پیغمبر کو دکھ دیتے ہیں اور کہتے ہیں کہ یہ شخص تو سراپا کان ہے۲۲۱؎۔ کہہ دو: وہ تمھاری بھلائی کے لیے کان ہے۲۲۲؎۔وہ اللہ پر ایمان رکھتا ہے، ایمان والوں پر اعتماد کرتا ہے اور اُن کے لیے سراسر رحمت ہے جو تم میں سے پوری سچائی کے ساتھ ایمان لائے ہیں۲۲۳؎۔(سن لو) جو اللہ کے رسول کو دکھ دے رہے ہیں، اُن کے لیے دردناک عذاب ہے۔ وہ تمھارے سامنے خدا کی قسمیں کھاتے ہیں کہ تمھیں راضی کریں۔ حالاں کہ اگر وہ مومن ہیں تو اللہ اور اُس کا رسول زیادہ حق دار ہیں کہ وہ اُس کو راضی کریں۲۲۴؎۔کیا وہ نہیں جانتے کہ جو اللہ اور اُس کے رسول کی مخالفت کرے گا، اُس کے لیے دوزخ کی آگ ہے، جس میں وہ ہمیشہ رہے گا۲۲۵؎۔ یہ بہت بڑی رسوائی ہے۲۲۶؎۔۶۱-۶۳

یہ منافق ڈرتے ہیں کہ کہیں مسلمانوں پر کوئی ایسی سورت نہ اتار دی جائے جو اِن کے دلوں کے بھید اُن پر کھول دے۲۲۷؎۔(اِن سے) کہو: (کچھ دیر اور) مذاق اڑا لو، اللہ اُس چیز کو کھول کر رہے گا جس سے تم ڈرتے ہو۔ (اِن کے اِس رویے کے بارے میں) اگر تم اِن سے پوچھو گے تو کہہ دیں گے کہ ہم تو محض سخن گستری اور دل لگی کر رہے تھے۔ (اِن سے) کہو: کیا تم اللہ سے ، اُس کی آیتوں سے اور اُس کے رسول سے ہنسی دل لگی کر رہے تھے؟ باتیں نہ بنائو، تم نے ایمان کے بعد کفر کیا ہے۔ اگر ہم تمھارے کسی گروہ سے درگذر بھی کر لیں گے۲۲۸؎ تو دوسرے کو ضرور (اِسی دنیا میں) سزا دیں گے، اِس لیے کہ وہ (فی الواقع) مجرم ہیں۲۲۹؎۔ ۶۴-۶۶

منافق مرد اور منافق عورتیں، سب ایک ہی طرح کے لوگ ہیں۔ یہ برائی کی تلقین کرتے، بھلائی سے روکتے اور اپنے ہاتھ (ہر خیر کے لیے) بند رکھتے ہیں۔ یہ اللہ کو بھول گئے تو اللہ نے بھی اِنھیں بھلا دیا۲۳۰؎۔ حقیقت یہ ہے کہ یہ منافق بڑے ہی بد عہد ہیں۲۳۱؎۔ اِن منافق مردوں اور منافق عورتوں اور کھلے منکروں سے اللہ نے دوزخ کی آگ کا وعدہ کر رکھا ہے جس میں یہ ہمیشہ رہیں گے۔ اِن کے لیے یہی کافی ہے۔ اِن پر اللہ کی لعنت ہے اور اِن کے لیے دائمی عذاب ہے۔ (ایمان کا جھوٹا دعویٰ کرنے والو۲۳۲؎)، اُنھی لوگوں کی طرح جو تم سے پہلے ہو گزرے۔ وہ زور میں تم سے زیادہ اور مال و اولادکی کثرت میں تم سے بڑھے ہوئے تھے۔ سو اُنھوں نے اپنے حصے سے فائدہ اٹھایا اور تم نے اپنے حصے سے فائدہ اٹھالیا، اُسی طرح جیسے تمھارے اگلوں نے اپنے حصے سے فائدہ اٹھایا تھا اور تم نے وہی بحثیں کیں، جیسی اُنھوں نے بحثیں کی تھیں۔ یہی وہ لوگ ہیں جن کے اعمال دنیا اور آخرت میں ضائع ہو گئے اور یہی نامراد ہونے والے ہیں۔ کیا اِنھیں اُن لوگوں کی خبر نہیں پہنچی جو اِن سے پہلے گزرے۲۳۳؎ ـــــ نوح کی قوم، عاد و ثمود، ابراہیم کی قوم،۲۳۴؎مدین والوں اور اُن بستیوں کی خبر جنھیں الٹ دیا گیا۔۲۳۵؎ اُن کے رسول اُن کے پاس کھلی کھلی نشانیاں لے کر آئے۔سو ایسا نہ تھا کہ اللہ اُن پر ظلم کرتا، بلکہ وہ خود اپنی جانوں پر ظلم کرتے رہے۔۶۷-۷۰

مومن مرد اور مومن عورتیں، (وہ بھی) ایک دوسرے کے رفیق ہیں ۔ (اِن منافقوں کے برخلاف) وہ بھلائی کی تلقین کرتے اور برائی سے روکتے ہیں، نماز کا اہتمام کرتے ہیں، زکوٰۃ دیتے ہیں اور اللہ اور اُس کے رسول کی اطاعت کرتے ہیں۔ یہی لوگ ہیں جنھیں اللہ عنقریب اپنی رحمت سے نوازے گا۔ اِس میں شبہ نہیں کہ اللہ زبردست ہے، وہ بڑی حکمت والا ہے۔ اِن مومن مردوں اور مومن عورتوں سے اللہ کا وعدہ ہے اُن باغوں کے لیے جن کے نیچے نہریں بہتی ہوںگی، وہ اُن میں ہمیشہ رہیں گے، اور ابد کے باغوں میںپاکیزہ مکانوں کے لیے۔ اور خدا کی خوشنودی ، وہ سب سے بڑھ کر ہے۔ یہی بڑی کامیابی ہے۔۷۱-۷۲