البیان: النساء ۴: ۷۱-۹۰ (۱۵)

بسم اللہ الرحمٰن الرحیم 

(گزشتہ سے پیوستہ)  

یٰٓاَیُّہَا الَّذِیْنَ اٰمَنُوْا خُذُوْا حِذْرَکُمْ فَانْفِرُوْا ثُبَاتٍ اَوِ انْفِرُوْا جَمِیْعًا{۷۱} وَاِنَّ مِنْکُمْ لَمَنْ لَّیُبَطِّئَنَّ، فَاِنْ اَصَابَتْکُمْ مُّصِیْبَۃٌ، قَالَ: قَدْ اَنْعَمَ اللّٰہُ عَلَیَّ اِذْ لَمْ اَکُنْ مَّعَہُمْ شَہِیْدًا{۷۲}وَلَئِنْ اَصَابَکُمْ فَضْلٌ مِّنَ اللّٰہِ لَیَقُوْلَنَّ، کَاَنْ لَّمْ تَکُنْ بَیْْنَکُمْ وَبَیْْنَہٗ مَوَدَّۃٌ، یّٰلَیْتَنِیْ کُنْتُ مَعَہُمْ فَاَفُوْزَ فَوْزًا عَظِیْمًا{۷۳} فَلْیُقَاتِلْ فِیْ سَبِیْلِ اللّٰہِ الَّذِیْنَ یَشْرُوْنَ الْحَیٰوۃَ الدُّنْیَا بِالْاٰخِرَۃِ وَمَنْ یُّقَاتِلْ فِیْ سَبِیْلِ اللّٰہِ فَیُقْتَلْ اَوْ یَغْلِبْ فَسَوْفَ نُؤْتِیْہِ اَجْرًا عَظِیْمًا{۷۴} 

وَمَا لَکُمْ لاَ تُقَاتِلُوْنَ فِیْ سَبِیْلِ اللّٰہِ وَالْمُسْتَضْعَفِیْنَ مِنَ الرِّجَالِ وَالنِّسَآئِ وَالْوِلْدَانِ الَّذِیْنَ یَقُوْلُوْنَ: رَبَّنَآ اَخْرِجْنَا مِنْ ہٰـذِہِ الْقَرْیَۃِ الظَّالِمِ اَہْلُہَا، وَاجْعَلْ لَّنَا مِنْ لَّدُنْکَ وَلِیًّا، وَّاجْعَلْ لَّنَا مِنْ لَّدُنْکَ نَصِیْرًا{۷۵}

اَلَّذِیْنَ اٰمَنُوْا یُقَاتِلُوْنَ فِیْ سَبِیْلِ اللّٰہِ، وَالَّذِیْنَ کَفَرُوْا یُقَاتِلُوْنَ فِیْ سَبِیْلِ الطَّاغُوْتِ، فَقَاتِلُوْٓا اَوْلِیَآئَ الشَّیْْطٰنِ، اِنَّ کَیْْدَ الشَّیْْطٰنِ کَانَ ضَعِیْفًا{۷۶}

اَلَمْ تَرَ اِلَی الَّذِیْنَ قِیْلَ لَہُمْ: کُفُّوْٓا اَیْْدِیَکُمْ وَاَقِیْمُوا الصَّلٰوۃَ وَاٰتُوا الزَّکٰوۃَ۔ فَلَمَّا کُتِبَ عَلَیْْہِمُ الْقِتَالُ اِذَا فَرِیْقٌ مِّنْہُمْ یَخْشَوْنَ النَّاسَ کَخَشْیَۃِ اللّٰہِ اَوْ اَشَدَّ خَشْیَۃً، وَقَالُوْا: رَبَّنَا لِمَ کَتَبْتَ عَلَیْْنَا الْقِتَالَ، لَوْلَآ اَخَّرْتَنَآ اِلٰٓی اَجَلٍ قَرِیْبٍ۔ قُلْ: مَتَاعُ الدُّنْیَا قَلِیْلٌ وَالْاٰخِرَۃُ خَیْْرٌ لِّمَنِ اتَّقٰی، وَلاَ تُظْلَمُوْنَ فَتِیْلاً{۷۷} اَیْْنَ مَا تَکُوْنُوْا یُدْرِکْکُّمُ الْمَوْتُ، وَلَوْ کُنْتُمْ فِیْ بُرُوْجٍ مُّشَیَّدَۃٍ، وَاِنْ تُصِبْہُمْ حَسَنَۃٌ یَّقُوْلُوْا: ہٰـذِہٖ مِنْ عِنْدِ اللّٰہِ، وَاِنْ تُصِبْہُمْ سَیِّئَۃٌ یَّقُوْلُوْا: ہٰـذِہٖ مِنْ عِنْدِکَ۔ قُلْ: کُلٌّ مِّنْ عِنْدِ اللّٰہِ، فَمَالِ ہٰٓـؤُلَآئِ الْقَوْمِ لاَ یَکَادُوْنَ یَفْقَہُوْنَ حَدِیْثًا{۷۸} مَآ اَصَابَکَ مِنْ حَسَنَۃٍ فَمِنَ اللّٰہِ، وَمَآ اَصَابَکَ مِنْ سَیِّئَۃٍ فَمِنْ نَّفْسِکَ، وَاَرْسَلْنٰکَ لِلنَّاسِ رَسُوْلاً، وَکَفٰی بِاللّٰہِ شَہِیْدًا{۷۹} مَنْ یُّطِعِ الرَّسُوْلَ فَقَدْ اَطَاعَ اللّٰہَ، وَمَنْ تَوَلّٰی فَمَآ اَرْسَلْنٰکَ عَلَیْْہِمْ حَفِیْظًا{۸۰} 

وَیَقُوْلُوْنَ: طَاعَۃٌ، فَاِذَا بَرَزُوْا مِنْ عِنْدِکَ بَیَّتَ طَآئِفَۃٌ مِّنْہُمْ غَیْْرَ الَّذِیْ تَقُوْلُ، وَاللّٰہُ یَکْتُبُ مَا یُبَیِّتُوْنَ، فَاَعْرِضْ عَنْہُمْ، وَتَوَکَّلْ عَلَی اللّٰہِ، وَکَفٰی بِاللّٰہِ وَکِیْلاً{۸۱} اَفَلاَ یَتَدَبَّرُوْنَ الْقُرْاٰنَ وَلَوْ کَانَ مِنْ عِنْدِ غَیْْرِ اللّٰہِ لَوَجَدُوْا فِیْہِ اخْتِلاَفًا کَثِیْرًا{۸۲} 

وَاِذَا جَآئَ ہُمْ اَمْرٌ مِّنَ الْاَمْنِ اَوِ الْخَوْفِ اَذَاعُوْا بِہٖ، وَلَوْ رَدُّوْہُ اِلَی الرَّسُوْلِ وَاِلٰٓی اُولِی الْاَمْرِ مِنْہُمْ لَعَلِمَہُ الَّذِیْنَ یَسْتَنْبِطُوْنَہٗ مِنْہُمْ، وَلَوْلاَ فَضْلُ اللّٰہِ عَلَیْْکُمْ وَرَحْمَتُہٗ لاَتَّبَعْتُمُ الشَّیْْطٰنَ اِلاَّ قَلِیْلاً{۸۳} 

فَقَاتِلْ فِیْ سَبِیْلِ اللّٰہِ، لاَ تُکَلَّفُ اِلاَّ نَفْسَکَ، وَحَرِّضِ الْمُؤْمِنِیْنَ۔ عَسَی اللّٰہُ اَنْ یَکُفَّ بَاْسَ الَّذِیْنَ کَفَرُوْا، وَاللّٰہُ اَشَدُّ بَاْسًا وَّاَشَدُّ تَنْکِیْلاً{۸۴} مَنْ یَّشْفَعْ شَفَاعَۃً حَسَنَۃً یَّکُنْ لَّہٗ نَصِیْبٌ مِّنْہَا، وَمَنْ یَّشْفَعْ شَفَاعَۃً سَیِّئَۃً یَّکُنْ لَّہٗ کِفْلٌ مِّنْہَا، وَکَانَ اللّٰہُ عَلٰی کُلِّ شَیْْئٍ مُّقِیْتًا{۸۵} 

وَاِذَا حُیِّیْْتُمْ بِتَحِیَّۃٍ فَحَیُّوْا بِاَحْسَنَ مِنْہَآ اَوْ رُدُّوْہَا، اِنَّ اللّٰہَ کَانَ عَلٰی کُلِّ شَیْْئٍ حَسِیْبًا{۸۶} اَللّٰہُ لَآ اِلٰـہَ اِلاَّ ہُوَ لَیَجْمَعَنَّکُمْ اِلٰی یَوْمِ الْقِیٰمَۃِ لاَ رَیْْبَ فِیْہِ، وَمَنْ اَصْدَقُ مِنَ اللّٰہِ حَدِیْثًا{۸۷} 

فَمَا لَکُمْ فِی الْمُنٰفِقِیْنَ فِئَتَیْْنِ، وَاللّٰہُ اَرْکَسَہُمْ بِمَا کَسَبُوْا، اَتُرِیْدُوْنَ اَنْ تَہْدُوْا مَنْ اَضَلَّ اللّٰہُ، وَمَنْ یُّضْلِلِ اللّٰہُ فَلَنْ تَجِدَ لَہٗ سَبِیْلاً{۸۸} وَدُّوْا لَوْ تَکْفُرُوْنَ کَمَا کَفَرُوْا فَتَکُوْنُوْنَ سَوَآئً، فَلاَ تَتَّخِذُوْا مِنْہُمْ اَوْلِیَآئَ حَتّٰی یُہَاجِرُوْا فِیْ سَبِیْلِ اللّٰہِ، فَاِنْ تَوَلَّوْا فَخُذُوْہُمْ وَاقْتُلُوْہُمْ حَیْْثُ وَجَدْتُّمُوْہُمْ، وَلاَ تَتَّخِذُوْا مِنْہُمْ وَلِیًّا وَلاَ نَصِیْرًا{۸۹} اِلاَّ الَّذِیْنَ یَصِلُوْنَ اِلٰی قَوْمٍ بَیْْنَکُمْ وَبَیْْنَہُمْ مِّیْثَاقٌ اَوْ جَآئُ وْکُمْ حَصِرَتْ صُدُوْرُہُمْ اَنْ یُّقَاتِلُوْکُمْ اَوْ یُقَاتِلُوْا قَوْمَہُمْ، وَلَوْ شَآئَ اللّٰہُ لَسَلَّطَہُمْ عَلَیْْکُمْ فَلَقٰتَلُوْکُمْ، فَاِنِ اعْتَزَلُوْکُمْ فَلَمْ یُقَاتِلُوْکُمْ وَاَلْقَوْا اِلَیْْکُمُ السَّلَمَ فَمَا جَعَلَ اللّٰہُ لَکُمْ عَلَیْْہِمْ سَبِیْلاً{۹۰} 

ایمان والو، اپنے اسلحہ سنبھالو ۱۳۱ اور (مظلوموں کی مدد کے لیے) نکلو، (جیسا موقع ہو)، الگ الگ دستوں کی صورت میں۱۳۲ یا اکٹھے ہو کر۔ تم میں یقینا وہ لوگ بھی ہیں جو (اِس طرح کے موقعوں پر) ڈھیلے پڑ جاتے ہیں،۱۳۳  پھر اگر تمھیں کوئی گزند پہنچے تو کہتے ہیں کہ اللہ نے مجھ پر بڑی عنایت کی کہ میں اِن کے ساتھ موجود نہ تھا اور اگر اللہ تم پر کوئی فضل فرمائے تو کہتے ہیں ـــــ اور اِس طرح کہتے ہیں کہ گویا اُن کے اور تمھارے درمیان کبھی کوئی رشتۂ محبت نہ تھا۱۳۴  ــــ کہ اے کاش، میں بھی اِن کے ساتھ ہوتا تو بڑی کامیابی حاصل کر لیتا۔ (ایسے لوگوں کی اللہ کو کوئی ضرورت نہیں ہے)،۱۳۵   اِس لیے وہی لوگ اللہ کی راہ میں لڑنے کے لیے نکلیں جو دنیا کی زندگی کو آخرت کے بدلے میں دے ڈالنے کے لیے تیار ہوں۔ (اُن کے لیے بشارت ہے کہ) جو اللہ کی راہ میں لڑے گا اور مارا جائے گا یا غلبہ پائے گا، اُسے ہم اجر عظیم عطا کریں گے۔ ۷۱-۷۴

(ایمان والو)، تمھیں کیا ہو گیا ہے کہ تم اللہ کی راہ میں اور اُن بے بس مردوں، عورتوں اور بچوں کے لیے نہیں لڑتے جو فریاد کر رہے ہیں کہ پروردگار، ہمیں ظالموں کی اِس بستی سے نکال۱۳۶ اور ہمارے لیے اپنے پاس سے۱۳۷  ہمدرد پیدا کر دے اور اپنے پاس سے حامی اور مددگار پیدا کر دے۔۱۳۸  ۷۵

(اِنھیں بتائو ، اے پیغمبر کہ) ایمان والے خدا کی راہ میں لڑتے ہیں اور منکرین اپنے سرکشوں۱۳۹ کی راہ میں۔ (یہ شیطان کے دوست ہیں)، سو تم شیطان کے اِن دوستوں سے لڑو اور یقین رکھو کہ شیطان کی چال بڑی کمزور ہے۔ ۷۶

تم نے دیکھا نہیں اِن لوگوں کو جن سے کہا جاتا تھا کہ (ابھی لڑنے کا وقت نہیں ہے، اِس لیے) اپنے ہاتھ روکے رکھو اور نماز کا اہتمام کرو اور زکوٰۃ ادا کرتے رہو (تو یہ نماز اور زکوٰۃ سے جی چراتے اور جنگ کے لیے بے تاب ہوتے تھے)، ۱۴۰  لیکن جب اِن پر جنگ فرض کر دی گئی تو اب اِن کی حالت یہ ہے کہ اِن میں سے ایک گروہ لوگوں سے اِسی طرح ڈرتا ہے، جس طرح اللہ سے ڈرا جاتا ہے یا اُس سے بھی زیادہ۔ کہتے ہیں۱۴۱ کہ پروردگار، تو نے یہ لڑائی ہم پر کیوں فرض کر دی ہے؟ ہمیں کچھ تھوڑی سی مہلت اور کیوں نہیں دی؟ اِن سے کہہ دو: دنیا کا سرمایہ بہت تھوڑا ہے اور جو لوگ پرہیز گاری اختیار کریں، اُن کے لیے آخرت اُس سے کہیں بڑھ کر ہے اور (وہاں) تمھاری ذرا بھی حق تلفی نہ ہوگی۔ رہی موت تو تم جہاں کہیں بھی ہو، وہ ہرحال میں تمھیں آکر رہے گی، خواہ تم کیسے ہی مضبوط اور بلند و بالا قلعوں۱۴۲  میں ہو۔(زبان سے یہ تمھاری رسالت کا اقرار کرتے ہیں) اور اگر اِنھیں کوئی کامیابی حاصل ہوتی ہے تو کہتے ہیں: یہ خدا کی طرف سے ہے اور اگر کوئی نقصان پہنچتا ہے تو کہتے ہیں: یہ تمھاری وجہ سے ہے۔ کہہ دو: ہر چیز اللہ ہی کی طرف سے ہے، (اِس لیے کہ جو کچھ ہوتا ہے، اُسی کے اذن سے ہوتا ہے)۔ آخر اِن لوگوں کو کیا ہو گیا ہے کہ کوئی بات سمجھنے کے لیے تیار نہیں ہوتے۔ (یہ حقیقت ہے کہ) تمھیں جو بھلائی بھی پہنچتی ہے، اللہ کی عنایت سے پہنچتی ہے اور جو مصیبت آتی ہے، وہ تمھارے اپنے نفس کی طرف سے آتی ہے۔۱۴۳  (اِن کی اصل بیماری یہ ہے کہ یہ تمھاری رسالت کے بارے میں متردد ہیں۔ اِن کی پروا نہ کرو)، ہم نے تمھیں لوگوں کے لیے رسول بنا کر بھیجا ہے اور (اِس کے لیے )اللہ کی گواہی کافی ہے۔ (اِنھیں معلوم ہونا چاہیے کہ) جو رسول کی اطاعت کرتا ہے، اُس نے درحقیقت اللہ کی اطاعت کی اور جس نے منہ موڑ لیا (تو اُس کی کوئی ذمہ داری تم پر نہیں ہے)، اِس لیے کہ ہم نے تمھیں اِن پر نگران بنا کر تو نہیں بھیجا ہے۔۱۴۴  ۷۷-۸۰

کہتے ہیں کہ سرتسلیم خم ہے،۱۴۵  پھر جب تمھارے پاس سے ہٹتے ہیں تو اِن میں سے ایک گروہ اپنی اس بات کے بالکل برخلاف مشورے کرتا ہے۔۱۴۶  اِن کی یہ تمام سرگوشیاں اللہ لکھ رہا ہے۔سو اِن سے اعراض کرو اور اللہ پر بھروسا رکھو اور (جان لو کہ) اللہ بھروسے کے لیے کافی ہے۔ (تمھاری رسالت کے بارے میں اِنھیں تردد کیوں ہے)؟ کیا یہ لوگ قرآن پر غور نہیں کرتے؟ اگر یہ اللہ کے سوا کسی اور کی طرف سے ہوتا تو اِس میں وہ بہت کچھ اختلاف پاتے۔۱۴۷  ۸۱-۸۲

(ایمان والو، یہ تمھارے خیرخواہ نہیں ہیں، اِس لیے) اِنھیں جب امن یا خطرے کی کوئی بات پہنچتی ہے تو یہ اُسے پھیلا دیتے ہیں،۱۴۸  دراںحالیکہ اگر یہ (اللہ کے) رسول اور اُن لوگوں کے سامنے اُسے پیش کرتے جو اُن میں سے معاملات کے ذمہ دار بنائے گئے ہیں تو جو لوگ اُن میں سے بات کی تہ تک پہنچنے کی صلاحیت رکھتے ہیں، وہ اُس کو سمجھ لیتے۔ ۱۴۹  (مگر اِنھوں نے شیطان کی راہ اختیار کی ہے) اور اگر تم پر اللہ کا فضل اور اُس کی رحمت نہ ہوتی تو تھوڑے سے لوگوں کو چھوڑ کر تم سب شیطان کی پیروی کرتے۔۸۳

سو (اِنھیں چھوڑو اور) اللہ کی راہ میں جنگ کرو ـــ تم پر اپنی ذات کے سوا کسی کی ذمہ داری نہیں ہے ــــ ــــــــ اور ایمان والوں کو (جنگ کے لیے) ابھارو۔ بعید نہیں کہ اللہ اُن لوگوں کا زور توڑ دے جو منکر ہو گئے ہیں۔ اللہ کا زور سب سے زیادہ ہے اور (اِس طرح کے منکروں کو) وہ بڑی عبرت انگیز سزا دینے والا ہے۔ (یہ جہاد سے گریز کے مشورے دیتے ہیں۔ اِنھیں بتاؤ کہ) جو اچھی بات کے حق میں کہے گا، وہ اُس میں سے حصہ پائے گا اور جو برائی کے لیے کہے گا، ۱۵۰  وہ اُس میں سے حصہ پائے گا۔ (یہ اللہ کا فیصلہ ہے) اور اللہ ہر چیز کی طاقت رکھنے والا ہے۔ ۸۴-۸۵

(تم جنگ کے لیے نکلو) اور جب (کسی شخص کی طرف سے) سلام کہا جائے۱۵۱ تو تم بھی سلام کہو، اُس سے بہتر یا اُسی طرح (اور کسی کے ساتھ زیادتی نہ کرو)، اِس لیے کہ اللہ یقیناہر چیز کا حساب لینے والا ہے۔۱۵۲  اللہ کے سوا کوئی الٰہ نہیں ہے۔ وہ تم سب کو قیامت کے دن کی طرف لے جا کر رہے گا ۱۵۳ جس کے آنے میں کوئی شبہ نہیں، اور اللہ سے بڑھ کر سچی بات کہنے والا کون ہو سکتا ہے۔ ۸۶-۸۷

(تم اُن لوگوں کو جانتے ہو جو ایمان لا کر پلٹ گئے ہیں)، پھر تمھیں کیا ہوگیا ہے کہ اِن منافقوں کے بارے میں دو گروہ ہو رہے ہو۔۱۵۴  اللہ نے تو اُن کے کیے کی پاداش میں اُنھیں الٹا پھیر دیا ہے۔۱۵۵ کیا تم اُنھیں ہدایت دینا چاہتے ہو جنھیں اللہ نے (اپنے قانون کے مطابق) گمراہ کر دیا ہے۔۱۵۶ دراںحالیکہ جنھیں اللہ گمراہ کر دے، اُن کے لیے تم کوئی راستہ نہیں پا سکتے۔ وہ چاہتے ہیں کہ جس طرح خود منکر ہیں، اُسی طرح تم بھی منکر ہو جائو تاکہ وہ اور تم سب برابر ہو جائیں۔ لہٰذا اُن میں سے کسی کو اپنا ساتھی نہ بنائو، جب تک وہ اللہ کی راہ میں ہجرت کر کے نہ آجائیں۔ پھر اگر وہ اِس سے گریز کریں تو اُنھیں پکڑو اور جہاں پائو، قتل کرو اور اُن میں سے کسی کو اپنا ساتھی اور مددگار نہ بنائو۔۱۵۷  اِس سے وہ لوگ، البتہ مستثنیٰ ہیں جو کسی ایسی قوم سے جاملے ہوں جن سے تمھارا کوئی معاہدہ ہے۔ اِسی طرح وہ لوگ بھی مستثنیٰ ہیں جو تمھارے پاس اِس طرح آئیں کہ نہ اپنے اندر تم سے لڑنے کی ہمت پاتے ہوں نہ اپنی قوم سے۔ اللہ چاہتا تو اُنھیں تم پر دلیر کر دیتا اور وہ بھی تم سے لڑتے۔ لہٰذا اگر وہ تم سے الگ رہیں اور جنگ نہ کریں اور تمھاری طرف صلح و آشتی کا ہاتھ بڑھائیں تو اللہ تمھیں بھی اُن کے خلاف کسی اقدام کی اجازت نہیں دیتا۔ ۸۸-۹۰