نماز جنازہ کی دعائیں

اللہم اغْفِرْ لہ وَارْحَمْہُ وَعَافِہِ وَاعْفُ عنہ وَأَکْرِمْ نُزُلَہُ وَوَسِّعْ مُدْخَلَہُ وَاغْسِلْہُ بِالْمَاءِ وَالثَّلْجِ وَالْبَرَدِ وَنَقِّہِ من الْخَطَایَا کما نَقَّیْتَ الثَّوْبَ الْأَبْیَضَ من الدَّنَسِ وَأَبْدِلْہُ دَارًا خَیْرًا من دَارِہِ وَأَہْلًا خَیْرًا من أَہْلِہِ وَزَوْجًا خَیْرًا من زَوْجِہِ وَأَدْخِلْہُ الْجَنَّۃَ وَأَعِذْہُ من عَذَابِ الْقَبْرِ أو من عَذَابِ النَّارِ.۹۶؂
یااللہ، اس کو بخش دے، اس پر رحم کر، اسے عافیت عطا فرما، اسے معاف فرما دے، اسے باعزت ٹہکانا دے، اس کی قبر کو کشادہ فرما اور اسے برف اور اولوں سے دھو دے،اس کے گناہوں کو اس طرح صاف کر دے،جس طرح کہ سفید کپڑا میل کچیل سے صاف ہو جاتا ہے،اسے اس کے گھر کے بدلے بہتر گھر عطا فرما، گھر والوں سے بہتر گھر والے، اس کی بیوی سے بہتر بیوی عطا فرما اور اسے جنت میں داخل فرما اور اسے عذاب قبر سے بچا (یا فرمایا) جہنم کے عذاب سے بچا۔

اللہم اغْفِرْ لِحَیِّنَا وَمَیِّتِنَا وَشَاہِدِنَا وَغَاءِبِنَا وَصَغِیرِنَا وَکَبِیرِنَا وَذَکَرِنَا وَأُنْثَانَا اللہم من أَحْیَیْتَہُ مِنَّا فَأَحْیِہِ علی الْإِسْلَامِ وَمَنْ تَوَفَّیْتَہُ مِنَّا فَتَوَفَّہُ علی الْإِیمَانِ اللہم لَا تَحْرِمْنَا أَجْرَہُ ولا تُضِلَّنَا بَعْدَہُ.۹۷؂
اے اللہ،ہمارے زندوں کو اور مردوں کو، حاضر کو اور غائب کو، چھوٹے کو اور بڑے کو، مرد کو اور عورت کو بخش دے۔ اے اللہ، ہم میں سے جس کو تو زندہ رکھے،اسے اسلام پر زندہ رکہنا اور جسے وفات دے اسے ایمان پر وفات دینا۔ اے اللہ، ہمیں اس کے اجر سے محروم نہ فرمانا اور ہمیں اس کے بعد گمراہ نہ ہونے دینا۔

اللہم إِنَّ فُلَانَ بن فُلَانٍ فی ذِمَّتِکَ وحبل جِوَارِکَ فَقِہِ من فِتْنَۃِ الْقَبْرِ وَعَذَابِ النَّارِ وَأَنْتَ أَہْلُ الْوَفَاءِ وَالْحَمْدِ اللہم فَاغْفِرْ لہ وَارْحَمْہُ إِنَّکَ أنت الْغَفُورُ الرَّحِیمُ.۹۸؂
اے اللہ، یہ فلاں ابن فلاں تیری امان اور تیرے عہد میں ہے۔ پس تو اس کو قبر کے فتنے اور دوزخ کے عذاب سے بچالے۔تو صاحب وفا اور صاحب حق ہے۔ اے اللہ، تو اس کی مغفرت فرما اور اس پر رحم فرما ، بے شک تو بہت بخشنے والا مہربان ہے۔

حضرت ابوذر رضی اللہ عنہ سے روایت ہے کہ نبی صلی اللہ علیہ وسلم نے ارشاد فرمایا ہے:صبح ہوتے ہی تم میں سے ہر ایک کے جوڑ بند پر صدقہ لازم ہو جاتا ہے۔چنانچہ آدمی کرنا چاہے تو ہر تسبیح صدقہ ہے، ہر تہلیل (لَا إِلٰہَ إِلَّا اللّٰہ کہنا) صدقہ ہے۔ ہر تکبیر صدقہ ہے، نیکی کی تلقین صدقہ ہے ، برائی سے روکنا صدقہ ہے، اور اگر چاشت کے وقت دو رکعتیں پڑھ لی جائیں تو وہ ان سب چیزوں سے کفایت کر جاتی ہیں۔ ۹۹؂

_____

۹۶؂ (مسلم، رقم۲۲۳۲)۔
۹۷؂ (ابن ماجہ، رقم۱۴۹۸)۔
۹۸؂ (ابوداود، رقم۳۲۰۲)۔
۹۹؂ (مسلم، رقم۱۶۷۱)۔

__________