شکار سے متعلق فقہی مسائل

عَنْ عَدِیِّ بْنِ حَاتِمٍ أَنَّهُ سَأَلَ رَسُولَ اللَّهِ صَلَّی اللَّهُ عَلَیْهِ وَسَلَّمَ عن الصَّیْدِ فقال إذا أَرْسَلْتَ کَلْبَکَ فَاذْکُرْ اسْمَ اللَّهِ علیه فَإِنْ أَدْرَکْتَهُ لم یَقْتُلْ فأذبح وَاذْکُرْ اسْمَ اللَّهِ علیه وَإِنْ أَدْرَکْتَهُ قد قَتَلَ ولم یَأْکُلْ فَکُلْ فَقَدْ أَمْسَکَهُ عَلَیْکَ فَإِنْ وَجَدْتَهُ قد أَکَلَ منه فلا تَطْعَمْ منه شیئا فَإِنَّمَا أَمْسَکَ علی نَفْسِهِ وَإِنْ خَالَطَ کَلْبُکَ کِلَابًا فَقَتَلْنَ فلم یَأْکُلْنَ فلا تَأْکُلْ منهشیئا فَإِنَّکَ لَا تَدْرِی أَیُّهَا قَتَلَ۔(نسائی، رقم 4268)

’’ عدی بن حاتم سے روایت ہے کہ انھوں نے رسول اللہ صلی اللہ علیہ وسلم سے شکار کے بارے میں سوال کیا تو آپ نے فرمایا: تم جب اپنا کتا چھوڑتے ہو تو اللہ کا نام لے کر چھوڑو۔ پھر اگر دیکھو کہ اُس نے شکار کو (زندہ پکڑا ہے) مارا نہیں تو اُسے اللہ کا نام لے کر ذبح کر لو اور اگر دیکھو کہ مار ڈالا ہے، مگر اُس میں سے کچھ کھایا نہیں تو تم اُسے کھا سکتے ہو، اِس لیے کہ یہ اُس نے تمھارے لیے روک رکھا ہے۔ لیکن اگر کھا لیا ہو تو اُسے کھانا جائز نہیں ہے،کیونکہ یہ پھر اُس نے اپنے لیے روکا ہے اور اگر دوسرے کتے بھی اپنے کتے کے ساتھ اِس طرح دیکھو کہ اُنھوں نے شکار کو مار دیا ہے اور اُس کو کھایا نہیں تب بھی اُسے نہ کھاؤ، اِس لیے کہ تم نہیں جانتے کہ اُن میں سے کس نے مارا ہے۔‘‘

________