فتنے سے گریز کا حکم

عَنْ حُذَیْفَةَ بْنِ الْیَمَانِ یَقُولُ کَانَ النَّاسُ یَسْأَلُونَ رَسُولَ اللَّهِ صَلَّی اللَّهُ عَلَیْهِ وَسَلَّمَ عَنْ الْخَیْرِ وَکُنْتُ أَسْأَلُهُ عَنْ الشَّرِّ مَخَافَةَ أَنْ یُدْرِکَنِی فَقُلْتُ یَا رَسُولَ اللَّهِ إِنَّا کُنَّا فِی جَاهِلِیَّةٍ وَشَرٍّ فَجَاءَنَا اللَّهُ بِهَذَا الْخَیْرِ فَهَلْ بَعْدَ هَذَا الْخَیْرِ مِنْ شَرٍّ قَالَ نَعَمْ قُلْتُ وَهَلْ بَعْدَ ذَلِکَ الشَّرِّمِنْ خَیْرٍ قَالَ نَعَمْ وَفِیهِ دَخَنٌ قُلْتُ وَمَا دَخَنُهُ قَالَ قَوْمٌ یَهْدُونَ بِغَیْرِ هَدْیِی تَعْرِفُ مِنْهُمْ وَتُنْکِرُ قُلْتُ فَهَلْ بَعْدَ ذَلِکَ الْخَیْرِ مِنْ شَرٍّ قَالَ نَعَمْ دُعَاةٌ عَلَی أَبْوَابِ جَهَنَّمَ مَنْ أَجَابَهُمْ إِلَیْهَا قَذَفُوهُ فِیهَا قُلْتُ یَا رَسُولَ اللَّهِ صِفْهُمْ لَنَا قَالَ هُمْ مِنْ جِلْدَتِنَا وَیَتَکَلَّمُونَ بِأَلْسِنَتِنَا قُلْتُ فَمَا تَأْمُرُنِی إِنْ أَدْرَکَنِی ذَلِکَ قَالَ تَلْزَمُ جَمَاعَةَ الْمُسْلِمِینَ وَإِمَامَهُمْ قُلْتُ فَإِنْ لَمْ یَکُنْ لَهُمْ جَمَاعَةٌ وَلَا إِمَامٌ قَالَ فَاعْتَزِلْ تِلْکَ الْفِرَقَ کُلَّهَا وَلَوْ أَنْ تَعَضَّ بِأَصْلِ شَجَرَةٍ حَتَّی یُدْرِکَکَ الْمَوْتُ وَأَنْتَ عَلَی ذَلِکَ۔(بخاری، رقم 7084)

’’حذیفہ بن یمان رضی اللہ عنہ کہتے ہیں کہ لوگ رسول اللہ صلی اللہ علیہ وسلم سے خیر کے بارے میں پوچھا کرتے تھے، لیکن میں آپ سے (آئندہ آنے والے) شر کے بارے میں اس خوف سے پوچھا کرتا تھا کہ کہیں وہ مجھے نہ آ لے۔ میں نے پوچھا! اے اللہ کے رسول ہم لوگ جاہلیت اور شر کے دور میں تھے پھر اللہ نے ہمیں اس خیر سے نوازا تو کیا اس خیر کے بعد پھر شر کا دور ہو گا؟ آپ نے فرمایا: ہاں، میں نے پوچھا کہ کیا اُس شر کے بعد پھر خیر کا زمانہ آئے گا؟ آپ نے فرمایا: ہاں، لیکن اُس خیر میں کمزوری ہو گی۔ میں نے پوچھا اُس میں کیا کمزوری ہو گی؟ فرمایا کہ کچھ لوگ ہوں گے جو میرے طریقے کے خلاف چلیں گے۔ تم اُن میں بعض اچھی باتیں اور بعض بری باتیں دیکھو گے۔ میں نے پوچھا کہ کیا اِس دور کے بعد پھر شر کا دور آئے گا؟ آپ نے فرمایا: ہاں کچھ لوگ جہنم کے دروازوں پر کھڑے ہو کر اُس کی طرف بلانے والے پیدا ہوں گے، جو اُن کی دعوت قبول کر لے گا، وہ اُسے اُس (جہنم) میں پھینک دیں گے۔ میں نے کہا، اے اللہ کے رسول! آپ اُن کی کچھ صفات بیان کریں۔ آپ نے فرمایا: وہ ہمارے جیسے ہی ہوں گے اور ہماری زبان ہی بولیں گے۔ میں نے پوچھا آپ مجھے اُن کے بارے میں کیا حکم دیتے ہیں، اگر وہ میرے دور میں پیدا ہو گئے؟ آپ نے فرمایا: مسلمانوں کے نظم اجتماعی اور اُن کے حکمران سے جڑ کر رہنا۔ میں نے پوچھا: اگر مسلمانوں کا کوئی نظمِ اجتماعی اور کوئی حکمران موجود ہی نہ ہو؟ آپ نے فرمایا: اِس صورت میں اِن سب گروہوں سے بالکل الگ ہو جاؤ، اگرچہ تمھیں مرتے وقت تک کسی درخت کی جڑ ہی چبانی پڑے۔‘‘

________