نکاح سے پہلے لڑکی سے اجازت لینے کا حکم

عَنْ أَبِی هُرَیْرَةَ عَنِ النَّبِیِّ صَلَّی اللّٰهُ عَلَیْهِ وَآلِهِ وَسَلَّمَ قال لَا تُنْکَحُ الْبِکْرُ حَتَّی تُسْتَأْذَنَ وَلَا الثَّیِّبُ حَتَّی تُسْتَأْمَرَ فَقِیلَ یَا رَسُولَ اللّٰهِ کَیْفَ إِذْنُهَا قَالَ إِذَا سَکَتَتْ۔(بخاری، رقم ۶۹۶۸)

’’ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: بیوہ کا نکاح اُس سے مشورے کے بغیر نہ کیا جائے اور کنواری سے اجازت لینا ضروری ہے۔ لوگوں نے پوچھا: اُس کی اجازت کیسے ہو؟ آپ نے فرمایا: وہ خاموش رہے تو یہی اجازت ہے۔‘‘

 

عَنِ بْنِ عَبَّاسٍ أَنَّ النَّبِیَّ صَلَّی اللّٰهُ عَلَیْهِ وَسَلَّمَ قَالَ: اَلْأَیِّمُ أَحَقُّ بِنَفْسِهَا مِنْ وَلِیِّهَا وَالْبِکْرُ تُسْتَأْذَنُ فِیْ نَفْسِهَا وَإِذْنُهَا صُمَاتُهَا۔(مسلم، رقم ۳۴۷۶)

’’ابن عباس سے روایت ہے کہ نبی صلی اللہ علیہ وسلم کا ارشاد ہے: بیوہ نکاح کے معاملے میں اپنے ولی سے زیادہ حق رکھتی ہے اور کنواری سے اُس کے نکاح کی اجازت لینی چاہیے اور اُس کی اجازت چپ رہنا ہے۔‘‘

________