پیر اور جمعرات کا روزہ

عَنْ أُسَامَةَ بنِ زَيْدٍ قال قلت يا رَسُولَ اللَّهِ إِنَّكَ تَصُومُ حتى لَا تَكَادَ تُفْطِرُ وَتُفْطِرُ حتى لَا تَكَادَ أَنْ تَصُومَ إلا يَوْمَيْنِ إن دَخَلَا في صِيَامِكَ وَإِلَّا صُمْتَهُمَا قال أَيُّ يَوْمَيْنِ قلت يوم الإثنين وَيَوْمَ الْخَمِيسِ قال ذَانِكَ يَوْمَانِ تُعْرَضُ فِيهِمَا الْأَعْمَالُ على رَبِّ الْعَالَمِينَ فَأُحِبُّ أَنْ يُعْرَضَ عَمَلِي وأنا صَائِمٌ. (نسائى، رقم 2360)، (احمد، رقم 21246)

حضرت اسامہ  بن زید (رضی اللہ عنہ) سے روایت ہے کہ میں نے عرض کیا کہ یا رسول اللہ صلی اللہ علیہ وسلم آپ جب نفلى روزےرکھنا شروع كرتے ہیں تو اس قدر روزے رکھتے ہیں کہ محسوس ہوتا ہےکہ آپ يہ تسلسل اب توڑيں گےنہيں اور جس وقت روزہ رکھنا چھوڑتے ہیں تو محسوس ہوتا ہے کہ اب آپ کبھی نفلى روزے نہیں رکھیں گے، سوائے دو دنوں  کے،  اگر يہ دو دن آپ کے روزوں ہى ميں آ جائيں تو ٹهيك، ورنہ آپ ان دنوں كے روزے ضرور ركهتے ہیں،آپ نے پوچها: وہ کون سے دن ہیں؟ میں نے عرض کیا کہ وہ پیر اور جمعرات كےدن ہیں؟آپ نے فرمایا:یہ وہ دن ہیں جن میں بندوں کے اعمال بارگاہ خداوندی میں پیش کیے جاتے ہیں اور میری خواہش ہے کہ جس وقت میرے اعمال بارگاہ خداوندی میں پیش ہوں تو میں نےاس وقت روزہ ركها ہوا ہو۔

________