نماز تہجد کا طریقہ

عن عَبْدِ اللَّهِ بنِ عُمَرَ رضي الله عنهما قال إِنَّ رَجُلًا قال يا رَسُولَ اللَّهِ كَيْفَ صَلَاةُ اللَّيْلِ قال مَثْنَى مَثْنَى فإذا خِفْتَ الصُّبْحَ فَأَوْتِرْ بِوَاحِدَةٍ. (بخارى ، رقم 1137)

حضرت عبداللہ بن عمر رضی اللہ عنہما سے روايت ہے كہ ایک شخص نے دریافت کیا :یا رسول اللہ صلی اللہ علیہ وسلم، رات کی نماز کس طرح پڑھی جائے؟ آپ نے فرمایا: دو دو رکعت اور جب  صبح ہونے کا اندیشہ ہو تو ایک رکعت وتر پڑھ کر اپنی ساری نماز کو طاق بنا لے۔

 

عن بنِ عُمَرَ أَنَّ رَجُلًا سَأَلَ رَسُولَ اللَّهِ صَلَّى اللهُ عَلَيْهِ وَسَلَّمَ عن صَلَاةِ اللَّيْلِ فقال رسول اللَّهِ صَلَّى اللهُ عَلَيْهِ وَسَلَّمَ صَلَاةُ اللَّيْلِ مَثْنَى مَثْنَى فإذا خَشِيَ أحدكم الصُّبْحَ صلى رَكْعَةً وَاحِدَةً تُوتِرُ له ما قد صَلَّى. (مسلم، رقم 1748)

حضرت ابن عمر (رضى الله عنہما) سے روايت ہے کہ ایک آدمی نے رسول اللہ صلی اللہ علیہ وسلم سے رات کی نماز کے بارے میں پوچھا تورسول اللہ صلی اللہ علیہ وسلم نے فرمایا:رات کی نماز دو دو رکعتیں ہے، پهر جب تمهيں صبح ہونے کا ڈر ہو تو ایک رکعت اور پڑھ لے، يہ  اس كى ساری نماز کو طاق کر دے گی۔

________