چاشت کے نوافل کی ترغیب

عن أبي هُرَيْرَةَ رضي الله عنه قال أَوْصَانِي خَلِيلِي بِثَلَاثٍ لَا أَدَعُهُنَّ حتى أَمُوتَ صَوْمِ ثَلَاثَةِ أَيَّامٍ من كل شَهْرٍ وَصَلَاةِ الضُّحَى وَنَوْمٍ على وِتْرٍ.(بخارى، رقم 1178)

حضرت ابوہریرہ رضی اللہ عنہ سے روايت ہے کہمجھے میرے خليل (نبی صلی اللہ علیہ وسلم) نے تین چیزوں کی وصیت کی ہے کہ ان كو ميں موت سے پہلے نہ چھوڑوں: ہر مہینے میں تین دن كے روزے ركهنا، چاشت کی نماز پڑهنا اور سونے سے پہلے وتر پڑھ لينا۔

 

عن أبي هُرَيْرَةَ قال أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلَاثٍ بِصِيَامِ ثَلَاثَةِ أَيَّامٍ من كل شَهْرٍ وَرَكْعَتَيْ الضُّحَى وَأَنْ أُوتِرَ قبل أَنْ أَرْقُدَ. (مسلم، رقم 1672)

حضرت ابوہریرہ (رضى الله عنہ) سے روايت ہے کہ مجهے میرے خلیل صلى الله عليہ وسلم نے ہر مہینے میں تین دن كے روزے رکھنے، روزانہ چاشت كے  دو نفل پڑهنے اور سونے سے پہلے وتر پڑھنے کی وصيت فرمائى ہے۔

 

عن أبي ذَرٍّ عن النبي صَلَّى اللهُ عَلَيْهِ وَسَلَّمَ أَنَّهُ قال يُصْبِحُ على كل سلامي من أَحَدِكُمْ صَدَقَةٌ فَكُلُّ تَسْبِيحَةٍ صَدَقَةٌ وَكُلُّ تَحْمِيدَةٍ صَدَقَةٌ وَكُلُّ تَهْلِيلَةٍ صَدَقَةٌ وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ وَنَهْيٌ عن الْمُنْكَرِ صَدَقَةٌ وَيُجْزِئُ من ذلك رَكْعَتَانِ يَرْكَعُهُمَا من الضُّحَى. (مسلم، رقم 1671)

حضرت ابوذر رضى الله عنہ سے روایت ہے کہ نبی صلی اللہ علیہ وسلم نے ارشاد فرمایا ہے:صبح ہوتے ہی تم میں سے ہر ایک کے جوڑ بند پر صدقہ لازم ہو جاتا ہے۔چنانچہ آدمی کرنا چاہے تو ہر تسبیح صدقہ ہے، ہر تہلیل (لَا إِلٰهَ إِلَّا اللهکہنا) صدقہ ہے ۔ہر تکبیر صدقہ ہے، نیکی کی تلقین صدقہ ہے ، برائی سے روکنا صدقہ ہے، اور اگر چاشت کے وقت دو رکعتیں پڑھ لی جائیں تو وہ ان سب چیزوں سے کفایت کر جاتی ہیں۔

________