نماز میں خلاف ادب حرکات سے بچنا

عن أبي هُرَيْرَةَ رضي الله عنه قال نُهِيَ عن الْخَصْرِ في الصَّلَاةِ.(بخارى، رقم 1219)

حضرت ابوہریرہ رضی اللہ عنہ سے روايت ہے کہ نماز میں پہلو پر ہاتھ رکھنے سے منع کیا گیا ہے۔

 

عن أبي هُرَيْرَةَ عن النبي صَلَّى اللهُ عَلَيْهِ وَسَلَّمَ أَنَّهُ نَهٰى أَنْ يُصَلِّيَ الرَّجُلُ مُخْتَصِرًا. (مسلم، رقم 1218)

حضرت ابوہریرہ (رضی اللہ عنہ) سے روایت ہے کہ نبی صلی اللہ علیہ وسلم نے دورانِ نماز (حالتِ قيام ميں)اپنے پہلو پر ہاتھ رکھنے سےمنع فرمايا ہے۔

 

عن أبي هُرَيْرَةَ قال نهى رسول اللَّهِ صَلَّى اللهُ عَلَيْهِ وَسَلَّمَ عن الِاخْتِصَارِ في الصَّلَاةِ.(ابوداود، رقم 947)

حضرت ابو ہريره (رضى الله عنہ) سے روايت ہے كہ رسول الله صلى الله عليہ وسلم نے دوران نماز (حالت قيام ميں)اپنے پہلو پر ہاتھ ركھنے سے منع فرمايا ہے۔

 

عن بن عُمَرَ قال نهى رسول اللَّهِ صَلَّى اللهُ عَلَيْهِ وَسَلَّمَ أَنْ يَجْلِسَ الرَّجُلُ في الصَّلَاةِ وهو مُعْتَمِدٌ على يَدِهِ. (ابوداود، رقم 992)

حضرت ابن عمر (رضی اللہ عنہ) سے روایت ہے کہ رسول صلی اللہ علیہ وسلم نے دوران نماز (قعدے ميں) ہاتھوں كا سہارا لے كر بیٹھنے سے منع فرمایا ہے۔

________