نماز میں یک سوئی مجروح کرنے والی چیزوں سے بچنا

عن أَنَسِ كان قِرَامٌ لِعَائِشَةَ سَتَرَتْ بِهِ جَانِبَ بَيْتِهَا فقال النبي صَلَّى اللهُ عَلَيْهِ وَسَلَّمَ أَمِيطِي عَنَّا قِرَامَكِ هذا فإنه لَا تَزَالُ تَصَاوِيرُهُ تَعْرِضُ في صَلَاتِي.(بخارى، رقم 374)

حضرت انس (رضی اللہ عنہ) سے روايت ہے کہ حضرت عائشہ (رضی اللہ عنہا) کے پاس ایک رنگین باریک پردہ تھا جسے انھوں نے اپنے گھر کے ایک طرف  لٹکايا ہوا تھا۔ نبی صلی اللہ علیہ وسلم نے فرمایا کہ میرے سامنے سے اپنا یہ پردہ ہٹا دو، کیونکہ اس پر نقش شدہ تصاویر برابر میری نماز میں خلل انداز ہوتی رہی ہیں۔

 

عن عَائِشَةَ رضي الله عنها قالت إني سمعت رَسُولَ اللَّهِ صَلَّى اللهُ عَلَيْهِ وَسَلَّمَ يقول: لَا صَلَاةَ بِحَضْرَةِ الطَّعَامِ ولا هو يُدَافِعُهُ الْأَخْبَثَانِ. (مسلم، رقم 1246)

حضرت عائشہ رضی اللہ عنہا سے روايت ہے كہ میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ جب کھانا سامنے ہو يا پیشاب اور پاخانہ لگ رہا ہو تو (پہلے) نماز نہیں پڑھنی چاہئے۔

 

عَنْ مُعَيْقِيبٍ أَنَّ النبي صَلَّى اللهُ عَلَيْهِ وَسَلَّمَ قال في الرَّجُلِ يُسَوِّي التُّرَابَ حَيْثُ يَسْجُدُ قال إن كُنْتَ فَاعِلًا فَوَاحِدَةً. (بخارى، رقم 1207)

حضرت معیقیب (بن ابی طلحہ رضی اللہ عنہ) سےروايت ہے کہنبی صلی اللہ علیہ وسلم نے ایک شخص سے، جو ہر مرتبہ سجدہ کرتے ہوئے کنکریاں برابر کرتا تھا، فرمایا: اگر ایسا کرنا ہى ہے تو صرف ایک دفعہ کرو۔

 

عن مُعَيْقِيبٍ قال ذَكَرَ النبي صَلَّى اللهُ عَلَيْهِ وَسَلَّمَ الْمَسْحَ في الْمَسْجِدِ يَعْنِي الْحَصَى قال إن كُنْتَ لَا بُدَّ فَاعِلًا فَوَاحِدَةً. (مسلم، رقم 1219)

حضرت معیقيب (رضی اللہ عنہ) سےروايت ہے كہ نبی صلی اللہ علیہ وسلم نے سجدہ کی جگہ سے کنکریاں صاف کرنے کے بارے میں فرمایا: اگر تمھیں ایسا کرنا ہی ہو تو صرف ایک دفعہ کرو۔

________