حقیقی ایمان اور گناہ جمع نہیں ہو سکتے

عَنْ أَبِی هُرَیْرَةَ رضی الله عنه، إِنَّ النَّبِیَّ صَلَّی اللهعَلَیْهِ وََسَلَّمَ قال: لَا یَزْنِی الزَّانِی حِیْنَ یَزْنِی وَهُوَ مُؤْمِنٌ وَلَا یَشْرَبُ الْخَمْرَ حِیْنَ یَشْرَبُهَا وَهُوَ مُؤْمِنٌ وَلَا یَسْرِقُ السَّارِقُ حِیْنَ یَسْرِقُ وَهُوَ مُؤْمِنٌ ۔۔۔ولا یَنْتَهِبُ نُهْبَةً ذَاتَ شَرَفٍ یَرْفَعُ الناسُ إِلَیْهِ أَبْصَارَهُمْ فِیْهَا حِیْنَ یَنْتَهِبُهَا وَهُوَ مُؤْمِنٌ۔(بخاری، رقم ۵۵۷۸، مسلم، رقم ۲۰۲)

’’ابو ہریرہ رضی اللہ عنہ سے روایت ہے کہ بے شک نبی صلی اللہ علیہ وسلم نے فرمایا:زانی جب زنا کرتا ہے تو اُس وقت وہ مومن نہیں ہوتا اور شراب پینے والا جب شراب پیتا ہے تو اُس وقت وہ مومن نہیں ہوتا اور چور جب چوری کرتا ہے تو اُس وقت وہ مومن نہیں ہوتا ۔۔۔ اور لوگوں کی قیمتی شے اُن کے سامنے لُوٹنے والا شخص جب لُوٹتا ہے تو اُس وقت وہ مومن نہیں ہوتا۔‘‘

عَنْ أبِی هُرَیْرَةَ قَالَ قَالَ النَّبِیُّ صَلَّی اللهُ عَلَیْهِ وَسَلَّمَ: لَایَزْنِی الزَّانِی حین یَزْنِی وهو مُؤْمِنٌ ولا یَسْرِقُ حین یَسْرِقُ وهو مُؤْمِنٌ ولا یَشْرَبُ حین یَشْرَبُهَا وهو مُؤْمِنٌ وَالتَّوْبَةُ مَعْرُوضَةٌ بَعْدُ۔(بخاری، رقم ۶۸۱۰)

’’ابو ہریرہ رضی اللہ عنہ سے روایت ہے کہ نبی صلی اللہ علیہ وسلم نے فرمایا: زانی جب زنا کرتا ہے تو اُس وقت وہ مومن نہیں ہوتا اور چور جب چوری کرتا ہے تو اُس وقت وہ مومن نہیں ہوتا اور شراب پینے والا جب شراب پیتا ہے تو اُس وقت وہ مومن نہیں ہوتا، البتہ اس کے بعد توبہ کی گنجائش ہوتی ہے۔‘‘

________