ہیئت سجدہ میں اسوہ

عَنْ مَيْمُونَةَ قَالَتْ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا سَجَدَ لَوْ شَاءَتْ بَهْمَةٌ أَنْ تَمُرَّ بَيْنَ يَدَيْهِ لَمَرَّتْ. (مسلم، رقم 1107)

ام المومنین میمونہ (رضی الله عنہا) سے روایت ہے کہ نبی صلی اللہ علیہ وسلم جب سجدہ کرتے تو اگر بکری کا بچہ آپ کے ہاتھوں کے درمیان سے گزرنا چاہتا تو گزر جاتا۔

 

عَنْ عَبْدِ اللهِ بْنِ مَالِكِ بْنِ بُحَيْنَةَ أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا صَلّٰى فَرَّجَ بَيْنَ يَدَيْهِ حَتّٰى يَبْدُوَ بَيَاضُ إِبْطَيْهِ. (بخارى، رقم 807)

حضرت عبداللہ بن مالک بن بحینہ (رضی اللہ عنہ)سے روايت ہےکہنبی صلی اللہ علیہ وسلم جب نماز پڑھتے ہوئے سجدے میں جاتے تو اپنے دونوں بازوؤں کو اس قدر پھیلا دیتے کہ آپ كى بغل کی سفیدی ظاہر ہو جاتی تھی۔

 

عَنْ جَعْفَرِ بْنِ رَبِيعَةَ كَانَ رَسُوْلُ اللهِ صَلَّى اللهُ عَلَيْهِ وَسَلَّمَ إِذَا سَجَدَ يُجَنِّحُ فِيْ سُجُوْدِهِ حَتّٰى يُرٰى وَضَحُ إِبْطَيْهِ ... (وَفِيْ رِوَايَةٍ) أَنَّ رَسُوْلَ اللهِ صَلَّی الله عَلَيْهِ وَسَلَّمَ کَانَ إِذَا سَجَدَ فَرَّجَ يَدَيْهِ عَنْ إِبْطَيْهِ حَتّٰی إِنِّيْ لَأَرٰی بَيَاضَ إِبْطَيْهِ.(مسلم، رقم 1106)

حضرت جعفر بن ربيعہ (رضی الله عنہ) سے روایت ہے کہ رسول اللہ صلی اللہ علیہ وسلم جب سجدہ کرتے تھے تو دونوں ہاتھوں کو اس طرح رکھتے کہ آپ کی بغلوں کی سفیدی دیکھی جاتی... (اور ايك روايت ميں ہے كہ) رسول اللہ صلی اللہ علیہ وسلم جب سجدہ کرتے تو اپنے بازؤں کو بغلوں سے جدا کر لیتے یہاں تک کہ میں آپ کی بغلوں کی سفیدی کو دیکھ لیتا۔

________