انشورنس کا جواز

سوال: کیا انشورنس کرائی جا سکتی ہے، کیا یہ جائز ہے؟ (محمد کامران مرزا)

جواب: انشورنس کے نظام میں اصولاً کوئی غلطی نہیں ہے، یعنی یہ کہ کوئی ادارہ لوگوں سے پیسے لے کر ان کو اس وقت ادا کردے جب پہلے سے طے کردہ ضرورت سامنے آجائے۔ یہ ادارہ کوئی کاروبار کرکے اس سرمائے میں اضافہ کرے اور اس اضافے کی ایک شرح لوگوں کی رقوم میں شامل کرتا رہے، اس میں بھی کوئی مضایقہ نہیں ہے۔ البتہ ہمارے ملک میں انشورنس کے ادارے ممکن ہے کہ سرمایہ کاری سودی طریقے پر کرتے ہوں۔ اگر یہ صورت ہو تو بہتر یہ ہے کہ اس طرح کے ادارے سے انشورنس نہ کرائی جائے۔

____________