خدا کا ہر جگہ موجود ہونا

سوال: ایک عالم کہتے ہیں کہ خدا جسمانی طور پر ہر جگہ موجود نہیں ہے، بلکہ یہ اس کا علم ہے جس نے ہر چیز کا احاطہ کر رکھا ہے۔ کیا یہ بات صحیح ہے؟ (وجاہت علی خان)

جواب: خدا کا ہر جگہ جسمانی طور پر موجود ہونا تبھی سمجھ میں آتا ہے، جبکہ وہ کائنات کی اشیا کی طرح مادی جسم رکھتا ہو۔ خدا اس سے بہت پاک ہے کہ وہ جسم رکھے اور یہ بات قرآن میں موجود ہے کہ اللہ ہر چیز کا احاطہ کیے ہوئے ہے۔ چنانچہ اس صورت میں یہی بات درست معلوم ہوتی ہے کہ خدا کا یہ احاطہ کرنا اپنے علم ہی کے حوالے سے ہے۔

____________